Einladung bei Chrigel & Bea in Zwillikon zu Gschwellti und 35 Sorte Chäs, mit GTIGG vom Feinsten. Herzlichen Dank an die Gastgeber.
es datum finde wo allne goht
nüd im winter, das wär z'spaat
im summer, verusse im Garte
nur det dörfsch e pfife starte
es paar lüt zäme bringe under eis dach
muesch verstoh, isch gar nid so eifach
werumm muess das im frei sii
will ebe im Huus rauchfrei sii
do muemer uf schö wätter hoffe
und das hämmer dä au troffe
drum stohts i de gschicht ald guete Ton
es isch au schön in Zwillikon
de gedanke isch gsi öppis grilliere
da muemer nöd vil studiere
unne grossi heiss gluet
obe Fleich und Wurscht häre tuet
doch das hämmer ebe grad gha
so müemer öppis anders ha
ja genau es git gschwellti
es sind neui härdöpfel nid gschellti
dezue das säge i paar worte
chääs,es sind gsi grad 35 sorte
das git en tolle abig chasch druf gah
alli liebed chääs, isch wahr
en glungene abig e bitzeli paffe
dass isch gnüsslich nach em schaffe
qulaität vom läbe chunt so uf
nimm nomol tüüf schnuuf
dänn scho isch de abig vergangeheit
bevor du dich flach is bett ine leisch
mer händ gnosse e paar schöni stund
gschwätzt und glacht, das isch gsund
die summ macht de sinn i eusem läbe
biträge tuet jede, dänn isches fascht vergäbe
Gedicht von Chrigel Schutzbach, GTIGG-Clubmitglied
Bilder-Galerie
|
